Ja pse nuk do të numërohen sot votat me kusht dhe me nevoja të veçanta

Burim Ahmetaj, koordinatori i Qendrës për Numërim dhe Rezultate, ka thënë se numërimi i votave të qytetarëve me kusht dhe të atyre me nevoja të veçanta nuk do të kryhet sot.

Ai ka bërë të ditur se QNR është në përfundim të fazës përgatitore të verifikimit të këtyre votave.

“Sa i përket procesit të regjistrimi të votave me kusht, jemi në procesin e fundit kur i bëjmë të gjitha kontrollimet dhe regjistrimet në bazën e të dhënave në mënyrë që të krahasohet me votuesit e rregullt para se të fillojë procesi i verifikimit të votuesve me kusht”, ka thënë Ahmeti gjatë raportimit para anëtarëve të KQZ-së.