Ja si reaguan tifozët e Arsenalit pas veprimit të Xhakës

Duket se tifozët e Arsenalit nuk e kanë pritur aspak mirë gjestin e Granit Xhakës në momentin e zëvendësimit në ndeshjen ndaj Crystal Palace.

Unai Emery pasi vendosi ta zëvendësojë në minutën e 61-të dhe kjo nuk i pëlqeu shqiptarit, që hodhi shiritin e kapitenit dhe në ndërkohë tifozët veçse ishin duke e vërshëllyer me të madhe gjatë ndeshjes.

Tifozët filluan brohoritjet kur u dëgjua emri i Xhakës për zëvendësim dhe pastaj nisën ta fishkëllenin atë teksa largohej. As 27-vjeçari nuk qëndroi i heshtur, por i shau tifozët, hoqi me shpejtësi fanellën dhe u largua.

Po ashtu, Emery e ka kritikuar për këtë veprim duke thënë se mesfushori kishte bërë gabim të madh me reagimin e tij.

Nga ana tjetër, në rrjetet sociale kanë shpërthyer komentet e tifozëve të Arsenalit, të cilët kërkojnë që Xhakës t’i merret shiriti i kapitenit. Në komentet e shumta, ata thonë që presin që klubi të veprojë brenda 24 orëve të ardhshme për ndëshkimin e lojtarit.