Jashari, më i miri në Belgjikë

Jashari këtë edicion ka bërë 35 paraqitje në kampionat, ku 31 prej tyre kanë ardhur nga minuta e parë

Mesfushori shqiptar Ardon Jashari është shpallur lojtari më i mirë i edicionit në kampionatin e Belgjikës.

Ky çmim vjen si shpërblim për paraqitjet fantastike që Jashari ka pasur për klubin e tij, Klub Brugge, në mënyrë konsistente gjatë tërë sezonit.

Jashari këtë edicion ka bërë 35 paraqitje në kampionat, ku 31 prej tyre kanë ardhur nga minuta e parë.

22-vjeçari ka kontribuar në këtë proces me tre gola dhe katër asistime.

Gjithsesi, Brugge nuk ia doli që të triumfojë në fund. Ata përfunduan me 53 pikë të grumbulluara në vendin e dytë, me Union Saint-Gilloise që u shpall kampion me 56 pikë.

Shumë skuadra janë vënë pas tij, në mesin e tyre top klube evropiane, ndërsa pritet të shitet gjatë verës për një shumë rekord për futbollin belg.

---