Jasir Asani rikthehet në futbollin evropian

Foto FB: Federata Shqiptare e Futbollit

Jasir Asani është i destinuar të lërë Korenë e Jugut dhe të rikthehet në futbollin evropian. Për sulmuesin kanë shfaqur interes disa klube, mes të cilave edhe Diseldorfi në Gjermani.

Agjenti i Asanit, Aleksandar Javkov, ka ‘trazuar ujërat’ duke publikuar një video nga stadiumi i gjermanëve, ku shihet në bisedë me disa zyrtarë të klubit dhe me mbishkrimin “Loading Jasir Asani”.

Duket se më në fund Guangju është bindur dhe me shumën e duhur do lërë Jasirin të lirë, teksa Diseldorf luan në play-off për të siguruar një vend në Bundesligë me Bohumin, raund që do jetë me dy ndeshje, transmeton alsat, përcjell albinfo.ch.

Me gjasë, për shkak se Diseldorfi ende nuk e ka siguruar vendin në elitën e futbollit gjerman, Asani me përfaqësuesit e tij nuk kanë vendosur firmën në kontratë për të zyrtarizuar kalimin.