Julian Assange dënohet me një vit burgim

Themeluesi i Wikileaksit, Julian Assange, është dënuar me 50 javë burgim për shkelje të lirimit me kusht. Assange shkeli lirimin kur para shtatë vjetësh kërkoi azil politik në Ambasadën e Ekuadorit në Londër.

Ai u arrestua muajin e kaluar me kërkesë të Shteteve të Bashkuara, për shkak të publikimit të informacioneve sekrete të ushtrisë amerikane, raporton BBC, transmeton albinfo.ch.

Departamenti amerikan i Drejtësisë e akuzon atë për konspiracion, i ndihmuar nga ish-analistja e Inteligjencës amerikane, Chelsea Manning, për qasje në kompjuterët e Qeverisë së SHBA-së dhe vjedhjen e informacioneve për luftën në Afganistan e Irak.