‘Kafeneja’ prej akulli në Kashmir

Turistët në fshatin malor Gya në Kashmirin indian mund të shijojnë pije të nxehta dhe të hanë ushqime tradicionale brenda një skulpture prej akulli që është kopje e një vendi meditues. Struktura e akullt është një formë popullore për të ruajtur ujin në formë akulli në qytetet malore.

“Më pëlqen. Sot ishte hera e parë në jetën time që jam ulur në një kafene të akullt dhe kam pirë çaj. Ky koncept ndihmon ndaj krizës për ujë. Përveç kësaj, është një mënyrë e mirë për të promovuar turizmin dimëror”, ka thënë turisti Tsewang Rigzin. 

Pronari i kafenesë “Ice Cafe” ka thënë se “lokali” i tij pasi të shkrihet, do të përdoret për të ujitur barërat në fshat dhe mjetet që fitohen nga shitja e tyre shërbejnë për të financuar pelegrinazhin e 90 të moshuarve. Këto forma të akullit krijohen nga banorët dhe mund të gjenden në tërë Ladakhun, një zonë e ftohtë e Kashmirit.