Kalon Ligji për Buxhetin e viti 2017 dhe Projektligji i Buxhetit për vitin 2018

Me këto dy miratime, Kosovës i hapen rrugët për investime dhe ngritjes pagash

Kuvendi i Kosovës ka miratuar Ligjin për buxhetin e rishikuar të vitit 2017 me vlerë 1.8 miliard euro, derisa Qeveri e Kosovës në një mbledhje sot në mëngjes ka miratuar Projektligjin për buxhetin e viti 2018 me 2 miliard e 80 milionë euro.  Me këto dy miratime, Kosovës i hapen rrugët për investime dhe ngritjes pagash.

Pas fillimit të seancës së Kuvendit të Kosovës, Kryetari i Komisionit për Buxhet dhe Financa, Lumir Abdixhiku, duke arsyetuar raportin me rekomandime të këtij komisioni ka thënë se ndryshimet e amendamenti për ndërtimin e autostradës Prishtinë-Gjilan dhe amendamentin për fondin e sigurimeve shëndetësore, mjetet prej 11 milionë eurove do të destinohen për blerjen e barnave dhe shërim jashtë vendit.

Ky projektligj me gjithsejtë 18 amendamente është miratuar nga deputetet e Legjislativit.

Ndërkaq  në mbledhjen e Qeverisë së Kosovës, ministri i Financave, Bedri Hamza ka konfirmuar se buxheti për vitin 2018 është 2 miliardë e 82 milionë euro. Me këtë rast ministri Hamza ka thënë se 10.3 për qind ka rritje për shpenzime kapitale dhe se projektet më të rëndësishme që planifikohen të përfshihen janë  autostrada Prishtinë-Shkup, Prishtinë-Mitrovicë dhe autostrada Prishtinë-Gjilan-Dheu i Bardhë.

Kryeministri i vendit, Ramush Haradinaj ka theksuar se është një lajm i mirë për aprovomini e buxhetit për vitin 2018-të me shifër prej 2 miliardë euro.

Kryeministri i vendit, Ramush Haradinaj ka theksuar se është një lajm i mirë për aprovomini e buxhetit prej 2 miliardë euro. Në mbledhjen e kabinetit qeveritar , kreu i Qeverisë Haradinaj tha se ky buxhet është i sigurt dhe sipas tij do të ketë ndikim edhe në zhvillimin ekonomik.