Kalon shifra prej 500 mijë të infektuarve në Zvicër

(KEYSTONE/Urs Flueeler)

Zvicra që nga fillimi i pandemisë e deri më tani ka regjistruar në total 509,279 raste infektimesh, transmeton albinfo.ch.

Nga ana tjetër, rastet aktive në këtë shtet ende vazhdojnë të jenë të larta, me rreth 182,629 persona.

Zvicra ka kryer një numër të madh të testimeve që nga fillimi i pandemisë. Të dhënat e fundit tregojnë se ky shtet që nga fillimi i pandemisë e deri tani ka bërë 4,135,714 testime, transmeton tutje albinfo.ch.

Ndërkohë, situata pandemike ditore ka shënuar një ulje të lehtë të infektimeve në muajin dhjetor, dhe fillim të vitit 2021, por pavarësisht kësaj, situata është e mirëmenxhuar, ndërkohë që disa kantone kanë vënë masa ndaj pandemisë Covid-19.

Shifrat zyrtare, bazuar në numrin e personave që janë testuar, e që në fillim ishin pozitivë dhe më pas janë rikuperuar, është ngritur në 317,600 persona, këtë e tregon edhe “Worldometers”, e cila publikon të dhëna rreth koronavirusit, shkruan albinfo.ch.