Kanada: Shqiptari, kampion në “Mundjen braziliane”

Shqiptari, Dorian Dokaj, ka triumfuar në Kanada duke mëposhtur të gjithë konkurentët duke rrëmbyer medaljen e artë

Është bërë e ditur se Dorian Dokaj është emri më i ri në listën e kampionëve të sporteve të rënda në Kanada. Në Niagara Falls u mbajt takimi për sportet luftarake “Mundje braziliane”, ku 22-vjeçari luftoi dy herë kundër dy sportistëve vendas, duke triumfuar, transmeton albnfo.ch.

Duhet theksuar se ‘Jiu jitsu’ Brazilian është art luftarak dhe një mënyrë mbrojtjeje personale e specializuar në dyluftim, veçanërisht në luftimin në tokë.

Dokaj u shpall kampion me medalje ari në peshën e mesme në Kampionatin Provincial No-Gi 2019, si dhe medaljen e bronztë në Provincial Absolut No-Gi 2019.

Kujtojmë se 22-vjeçari shqiptar ka emigruar vetëm një vit më parë në Kanada dhe ka menduar të hedhë hapa të sigurt në ndërtimin e karrierës së tij si sportist prefesionit, shkruan Albanian Montreal Press.

Me një skuadër të mirëfilltë trajnerësh profesionistë, Dokaj është optimist që shumë shpejt do jetë pjesë e aktiviteteve sportive që do të mbahen vitin e ardhshëm në Abu-Dhabi, apo edhe përfaqësimin e Kanadasë në Botëror.

 

 

 

 

 

 

 

---