Kantoni Zug edhe më tutje “parajsë tatimore”

Menjëherë pas Zug-ut për nga ultësia e shkallës së taksave vijnë kantonet: Schwyz, Tessin, Graubünden, Basel-Landschaft dhe Gjenevë

Kantoni i Zug-ut vazhdon të mbajë epitetin e “parajsës tatimore”, duke pasur shkallën më të ulët të tatimeve në Zvicër. Këtë e konstaton “Monitori i barrës së taksave 2010” i BAK (Basel Economics) i realizuar me porosinë e kantonit të Cyrihut.

Menjëherë pas Zug-ut për nga ultësia e shkallës së taksave vijnë kantonet: Schwyz, Tessin, Graubünden, Basel-Landschaft dhe Gjenevë. Më së shumti në drejtim të uljes së taksave ka përparuar kantoni Uri.

Po ashtu barrën e taksave e kanë ulur edhe kantonet Wallis, Jura, Nidwalden, Schafhausen dhe Freiburg. Monitori ka gjetur se taksat më të larta i kanë kantoni i Neuchatelit dhe ai i Obwaldenit.

Ndërkaq, kantoni i Cyrihut është në mesin e artë sa i përket lartësisë së taksave.