Këngëtari R. Kelly mohon akuzat për abuzim seksual  

Ylli i R&B, R. Kelly, i ka mohuar të gjitha akuzat për sjellje të pahijshme seksuale. Këtë e ka njoftuar një avokat i këngëtarit, i cili akuzohet për ngacmimin seksual dhe abuzim me gra dhe vajza në moshë të vogël.

Steve Greenberg tha për Associated Press se akuzat për abuzim të bëra në dokumentarin “Survivng R. Kelly” janë të rreme. 

“Pretendimet nuk janë të vërteta, sepse ai asnjëherë nuk ka kryer marrëdhënie seksuale me një vajzë të mitur, nuk ka detyruar askënd të bëjë asgjë, nuk ka mbajtur askënd të zënë rob dhe nuk ka keqtrajtuar askënd”, tha avokati.