Këngëtarja shqiptare nga Gjermania, publikon projektin e ri muzikor “Idiot”

Këngëtarja me prejardhje shqiptare, Arlinda Prenaj, e njohur me emrin e saj skenik “Ari” e cila jeton në Gjermani, ka publikuar projektin e ri muzikor siç e kishte paralajmëruar në rrjete sociale, “Idiot”, shkruan albinfo.ch.

Kënga është në gjuhën shqipe dhe pritet të jetë një publikim i suksesshëm në tregun muzikor.

Ari duket se është një talente që do të ketë krijimtari të pasur muzikore dhe do të zë vendin e saj edhe në industrinë botërore. Ajo po vlerësohet si person i dashur, pozitiv dhe me stil unik.

Kënga quhet “Idiot” dhe trajton një histori mes dashurisë dhe tradhëtisë. Zëri i saj është karizmatik dhe ndjek një rrymë interesante të trajtimit të këngës.

Ari është shqiptarja, e cila pa dyshim se është një yll në ngritje në muzikë, me një histori frymëzuese të suksesit.

Kujtojmë se Arlinda Prenaj është modelja, e cila ka “rrëmbyer” kurorën e “Miss Grand Kosova 2019”, “Miss Grand Germany 2020” dhe ishte konkurrentja favorite për “Miss International World”.