Këshilli Federal “ia huq” në çdo të tretin projektligj

Në një raport të saj, EFK ka bërë kontrollimin e 50 projektligjeve ndërsa rezultati që ka nxjerrë ka qenë dëshpërues, në pothuajse çdo të tretin rast nuk ishin plotësuar kriteret e kërkuara

KEYSTONE

Zyra Federale për Kontroll të Financave (EFK) ka drejtuar kritika ndaj Këshillit Federal për dështime të shumta të tij. Sipas zyrës në fjalë, Këshilli Federal është shpeshherë tepër i pasaktë në dokumentet e veta që ia jep në shqyrtim parlamentit, rreth asaj se çfarë rezultatesh ose pasojash do të ketë projektligji përkatës.

Në një raport të saj, EFK ka bërë kontrollimin e 50 projektligjeve ndërsa rezultati që ka nxjerrë ka qenë dëshpërues, shkruan sda.ch. në pothuajse çdo të tretin rast nuk ishin plotësuar kriteret e kërkuara.

Shpeshherë ka ndodhur që administrata e ka prezantuar me pasaktësi të konsiderueshme se si do të veprojë një ligj i caktuar në shoqëri dhe në ekonomi, transmeton albinfo.ch. Veç kësaj, prognozat më vonë kanë rezultuar si të pabesueshme dhe të realizuara me gabime.

Për këtë arsye EFK propozon që në të ardhmen Kancelaria Federale duhet ta bëjë kontrollimin  e cilësisë së dokumenteve në fjalë.