KFOR shton prezencën në veri të Kosovës

Keystone

Kanë hyrë në ditën e 16-të barrikadat e vendosura në veri të Kosovës. Rrugët që dërgojnë në drejtim të kufirit të Jarinjes dhe Bërnjakut janë të bllokuara, derisa as këto dy pika kufitare nuk janë të hapura për qarkullim, përcjell albinfo.ch.

Ndërsa në atë pjesë raportohet për prezencë të shtuar të KFOR-it, në të dy drejtimet e kufijve me Serbinë.

Policia e Kosovës ka shtrirë pikat e kontrollit të saj në drejtimin Mitrovicë-Leposaviq me qëllim të pengimit të aktiviteteve kriminale, por duke siguruar kështu edhe lëvizjen e lirë.

Pjesëtarët e Policisë së Kosovës po vazhdojnë patrullimin e tyre edhe nëpër zonat me popullatë të përzier në veri të Mitrovicës, duke ofruar rend dhe siguri për të gjithë qytetarët.