Kjo e pret Kosovën, nëse nuk konstituohet Kuvendi brenda afatit kushtetues

Afati për konstituim të Kuvendit ka filluar pas certifikimit të rezultateve

Prej që janë certifikuar zgjedhjet nga KQZ-ja, nuk kemi ende një Qeveri të re, edhe pse kjo ishte thënë nga VV dhe LDK se do të ndodhte sapo rezultati i zgjedhjeve të jetë zyrtar.

Por, çka e pret Kosovën nëse nuk konstituohet Kuvendi brenda afatit kohor?

Njohësi i Kushtetutës së Kosovës, Mazllum Bajraliu, ka thënë se nëse nuk konstituohet Kuvendi, atëherë shkohet në zgjedhje të reja. Afati për konstituim të Kuvendit ka filluar pas certifikimit të rezultateve, përderisa dy subjektet e para, VV dhe LDK, nuk po mund të bien dakord rreth posteve ministrore, që në këtë mënyrë të formojnë Qeverinë e re.
“Nëse nuk konsitituohet Kuvendi brenda këtij afati, atëherë sipas dispozitave kushtetuese, pas 40 ditëve shkohet në zgjedhje”, thotë Bajraliu.

Ai thotë se brenda këtij afati nëse nuk formohet Kuvendi, Presidenti patjetër i shpall zgjedhjet.

Po ashtu, Bajraliu thotë se presidenti ka të drejtë, sipas Kushtetutës, që në rast se nuk krijohet qeveria e re në tentimin e parë, në konsultim me partitë e tjera, të shpallë një kandidat tjetër për kryeministër.

Vlen të theksohet se KQZ-ja ka certifikuar rezultatet më 27 nëntor.

---