Kjo është sot gjendja e shkrimtarit Selman Rushdie

Me gjasë do të humbasë njërin sy, pasi nervat në krahun e tij ishin prerë, tha agjenti i tij.

Shkrimtari i famshëm Salman Rushdie mbetet i shtruar në spital dhe i plagosur rëndë nga goditja me thikë në New York.
Kështu ka bërë të ditur agjenti i tij, Andrew Wylie.

Ai i tha New York Times në një email të se autori “me gjasë do të humbasë njërin sy, pasi nervat në krahun e tij ishin prerë, dhe mëlçia e tij ishte goditur me thikë dhe ishte dëmtuar, përcjell Albinfo.ch.

Deklarata e tij vjen pas policia e New Yorkut ka identifikuar të dyshuarin si Hadi Matar dhe vazhdon hetimet për sulmin.

Rushdie u sulmua me thikë derisa ishte në skenë në Institutin Chautauqua – ngjarje të cilën e kishte pasë të planifikuar.

Policia e Shtetit tha se Matar, 24 vjeç, nga Fairview, New Jersey, doli me shpejtësi në skenë dhe goditi me thikë Rushdie, 75 vjeç, i cili thuhet se ka plagë nga thika në qafë dhe gjoks.

Publiku dhe stafi i institucionit ndihmuan që të ndalin Matarin, i cili kishte blerë një biletë për fjalimin dhe u arrestua nga një efektiv shtetëror, i cili e kishte për detyrë të mbante sigurinë, tha Policia e Shtetit. Rushdie u transportua me helikopter në një spital aty pranë./Albinfo.ch/

---