KMDLNJ e Saraçi demantojnë deklaratat e Brovinës

Kryetari i KMDLNJ-së, Bexhet Shala, ka mohuar që ndonjë aktivist i këtij institucioni t’i ketë dorëzuar deputetes Flora Brovinës foto.

Ai ka thënë se nuk kanë pasur asnjë arsye për ta bërë një gjë të tillë.

“Jam shumë i sigurt që kjo foto nuk i është dorëzuar Brovinës nga KMDLNJ, përndryshe ne do të ishim në dijeni për këtë. Por edhe nëse do ta dërgonim, së pari kjo do të kalonte përmes qendrës së KMDLNJ-së, e që një gjë e tillë nuk ka ndodhur”, ka thënë Shala.

Edhe aktivistja Mevlyde Saraçi ka mohuar t’i ketë dorëzuar këtë foto Brovinës.

Saraçi për KTV-në ka thënë se nuk është e vërtetë deklarata e deputetës, dhe se ajo nuk e njeh fare atë foto, transmeton albinfo.ch.

Saraçi ka paralajmëruar se për këtë deklaratë të Brovinës do t’i hapë rast në polici.