Koktej molotovi është hedhur në shtëpinë e hetuesit Milan Ristoviq

Persona të panjohur kanë sulmuar mbrëmë rreth mesnatës me koktej molotovi shtëpinë e hetuesit policor, Milan Ristoviq, e cila gjendet në fshatin Zherovnicë të Zveçanit, ka konfirmuar zëvendëskomandanti i Policisë së Mitrovicës së Veriut, Besim Hoti.

Sipas Hotit, edhe pse molotovi është hedhur në njërën prej dhomave të katit të parë të shtëpisë së policit, zjarri nuk ka depërtuar nëpër të gjitha hapësirat, ndërsa përveç dëmeve materiale, nuk ka të lënduar.

“Ristoviq deri vonë ka qenë shef i operativës në stacionin policor në veri të Mitrovicës, kurse tani është vetëm hetues”, kanë thënë Hoti, përcjell albinfo.ch.

Për këtë rast, policia ka dalë menjëherë në vendin e ngjarjes dhe është duke i zhvilluar hetimet. Para një muaji atij i ishte djegur edhe automjeti ‘Golf 5’.