Kololli i pandalshëm në Zvicër, i shënon edhe kampionit

Benjamin Kololli ka shënuar tre gola këtë sezon dhe ka bërë edhe dy asistime

Benjamin Kololli po shkëlqen në Superligën Zvicerane dhe me Kosovën. Kololli shënoi dy gola për Kosovën ndaj Maltës, derisa me gola e ka vazhduar edhe në Kampionatin Zviceran, shkruan albinfo.ch.

Kololli shënoi ndaj Young Boys, në takimin që përfundoi 3:3. Anësori i Zurichut fitoi vetë një penallti, që e ekzekutoi në mënyrë perfekte për rezultatin e përkohshëm 2:0, derisa ndeshja përfundoi 3:3.

Për Zurichun titullar ishte edhe mesfushori shqiptar Hekuran Kryeziu, i cili është ndëshkuar me karton të verdhë.

Young Boys ndodhet në vendin e parë me 28 pikë, derisa Zurich në vendin e tretë me 17 pas 11 javësh.

---