Komisioni parlamentar kërkon rivendosjen e testeve falas

Vendimi pro testimeve falas në këtë komision ishte 15 vota pro, 9 Kundër dhe një abstenim

Sipas Komisionit për Shëndetësi të Dhomës Nacionale të Parlamentit të Zvicrës (SGK-N), Qeveria Federale duhet sërish të rimbursojë kostot për testet e koronës.

Vendimi pro testimeve falas në këtë komision ishte 15 vota pro, 9 Kundër dhe një abstenim, siç bëjnë të ditur shërbimet parlamentare të premten, shkruan srf.ch.

Këshilli Federal, siç dihet, i kishte hequr testet falas që nga 1 tetori, transmeton albinfo.ch. Që në shtator, komisioni i Shëndetësisë i kishte bërë thirrje qeverisë së shtetit që të përmbahej nga ky hap.

Në një dispozitë tjetër, SGK-N dëshiron të përcaktojë që kantonet duhet të lëshojnë  certifikatën për njerëzit që rezultojnë negativë në testet e rregullta në kompani, shkolla ose objekte të kujdesit.

Disa kantone deri më tani e kanë refuzuar këtë, duke përmendur problemet që dalin me rastin e zbatimit.

---