Kosova, e varur nga remitencat e mërgimtarëve

Për çka shpenzohen paratë e diasporës

Albinfo.ch dje ka raportuar se mbi 3 miliardë euro ka dërguar diaspora në Kosovë gjatë vitit 2022. Kjo shënon rritje prej 5.5 për qind krahasuar me vitin paraprak.

Ndërkohë nga Zvicra janë dërguar mbi 600 milionë franga.

Vlen të theksohet se 70 për qind e remitencave që arrijnë në Kosovë shpenzohen për buxhete familjare, ani pse këto të ardhura nga diaspora nese do të orientoheshin në formë të projekteve investuese, do ta zhvillonin shtetin edhe më shumë.

Sipas Agjencisë Evropiane të Statistikave, Eurostat, Kosova ka varësinë më të madhe nga remitencat, krahasuar me vendet e tjera të Ballkanit Perëndimor.

Kushtet jo të mira, ekonomia e dobët, të ardhurat e ulëta për kokë banori rrisin varësin e të ardhurave nga diaspora. /Albinfo.ch

 

---