Kosova një hap afër Botërorit pas fitores dramatike 4:3 ndaj Sllovakisë

Keystone (AP Photo/Denes Erdos)

Kombëtarja e Kosovës shkroi një kapitull historik në kualifikimet për Kupën e Botës 2026, duke triumfuar me rezultat 4:3 ndaj Sllovakisë dhe duke mbajtur gjallë ëndrrën e pjesëmarrjes në Botëror. Tifozët dardanë shpërthyen në gëzim për secilin gol, ndërsa ekipi tregoi zemër, vendosmëri dhe talent të jashtëzakonshëm. Tashmë ‘Dardanët’ janë në finale të play off-it që luhet të martën në stadiumin ‘Fadil Vokrri’ në Prishtinë.

Ndeshja nisi me intensitet të madh. Sllovakia kaloi e para në avantazh, por Kosova nuk u dorëzua. Veldin Hoxha barazoi rezultatin në minutën e 21, duke ndezur shpresën dhe emocionin në stadium. Pak para pushimit, Sllovakia shënoi përsëri në minutën e 45, duke e çuar rezultatin në 2:1 dhe shkuar në pushim me avantazh, shkruan albinfo.ch.

Pjesa e dytë filloi me një ritëm të zjarrtë: Besnik Asani riktheu barazimin në minutën e 47, dhe më pas Florent Muslia kaloi Kosovën në avantazh në minutën e 59. Për të kompletuar festën, Kreshnik Hajrizi shënoi golin e katërt në minutën e 72, duke thelluar epërsinë dhe duke ndezur stadiumin. Derisa në minutat shtesë pas përfundimit të ndeshjes Sllovakia ka shënuar gol duke e ngritur rezultatin ne 3 gola.

Loja vazhdoi me dramatikë deri në fund, me Sllovakinë që kërkoi të përgjigjej, por mbrojtja dhe portieri i Kosovës ruajtën avantazhin. Fitorja e sotme e bën Kosovën vetëm një hap larg sfidës vendimtare me Turqinë, ku një fitore do të vuloste historinë e parë të pjesëmarrjes në Botëror/albinfo.ch/