Kosova strehon gazetaren e 13-të nga Ukraina

Në Kosovë sonte ka mbërritur gazetarja e radhës ukrainase, Anastasiia Poia, përcjell albinfo.ch.

Asociacioni i Gazetarëve të Kosovës (AGK) ka bërë të ditur se Poia do t’u bashkohet gazetarëve ukrainas tanimë të strehuar në vend, në kuadër të programit “Journalists in Residence – Kosovo”.

“Kolegia ukrainase është mirëpritur në aeroport nga Drejtorja Ekzekutive e AGK-së, Getoarbë Mulliqi Bojaj, përfaqësues të MPB-së dhe Policisë së Kosovës. AGK-ja shpreh sërish mirënjohjen për të gjithë partnerët kombëtarë e ndërkombëtarë që ndihmuan implementimin e projektit përgjatë vitit”, thuhet në njoftimin e AGK-së.