Kosovarja e Bayern Munchen-it do të luajë për Kosovën

Është vetëm 16-vjeçare dhe luan për ekipin e femrave Bayern Munchen për grupmoshën U17.

Futbollistja shqiptare, Doruntina Lajqi, në emisionin “Sporti në KTV” ka treguar se tashmë ka vendosur ta përfaqësojë Kosovën, përcjell albinfo.ch.

Ajo ka thënë se ndihet krenare që do të luajë për vendin e saj.

“Është vendi im, i prindërve të mi, normalisht që ndihem krenare të luaj për vendin tim, është më së miri”, ka thënë ajo.

Lajqi, e cila është lindur e rritur në Gjermani, ka thënë se është pritur shumë mirë nga Kosova U16, me të cilët synon turneun e Estonisë.

Futbollistja kosovare luan në pozitën e mesfushores ofensive dhe është pjesë e ekipit gjerman tash e dy vjet, përcjell albinfo.ch.

Doruntina Lajqi ka treguar, ndër të tjera, se me futboll ka filluar të merret qysh nga mosha 7-vjeçare.