Kosovarja, e lumtur si ‘mbretëresha e parë’ në Real Madrid

Futbollistja shqiptare është bërë transferimi i parë për skuadrën e Real Madridit

Real Madrid nga sezoni i ri do të kenë edhe skuadrën e femrave, dhe transferimi i parë i tyre është futbollistja shqiptare, Kosovare Asllani.

Pas zyrtarizimit te Real Madrid, Asllani ka thënë se veshja e fanellës më të bukur në botë, ka qenë një ëndërr për të.

“Krenare për të njoftuar se unë do të jem nënshkrimi i parë zyrtar për Real Madrid / Cd Tacon. E emocionuar për të shkruar historinë, për të ndihmuar në ndërtimin dhe pjesëmarrjen në këtë udhëtim. Do të jetë një ëndërr për të veshur fanellën më të bukur në botë, duke filluar nga sezoni i ardhshëm”, ka shkruar Kosovare Asllani, në rrjetet sociale, përcjell albinfo.ch.

Ajo u bë transferi i parë në historinë e klubit të ri mbretëror, derisa gjithashtu futbollistja e parë që luan në një nivel të tillë në Spanjë.

Kosovarja që luan për Suedinë ka pasur edhe për Paris Saint Germain dhe Manchester Cityn.

Futbollistja me prejardhje nga Kosova kishte shkëlqyer për Suedinë në Kupën e Botës në Francë, duke u renditur në vendin e tretë.

---