Humbi kontrollin mbi veturën: Lëndohet kosovarja dhe e gjithë familja e saj

Shoferja, një grua 39-vjeçare nga Kosova, po udhëtonte drejt Grazit kur humbi kontrollin e automjetit

Një çift me dy fëmijët e tyre kanë pësuar lëndime në një aksident në autostradën A9 Pyhrn në komunën Spital am Pyhrn (rrethi Kirchdorf, Austri) të shtunën pak para orës 8:00 të mëngjesit.

Shoferja, një grua 39-vjeçare nga Kosova, po udhëtonte drejt Grazit kur humbi kontrollin e automjetit, transmeton albinfo.at.

Makina doli nga rruga në të djathtë, u përplas me kangjellat mbrojtëse, u përplas me barrierën e mesit të betonit dhe u përmbys. Makina u rrëzua në çati, shkruan media austriake, krone.at.

Shoferët që e ndiqnin këtë aksident njoftuan shërbimet e emergjencës.

Personat në bord – shoferja, bashkëshorti i saj 49-vjeçar dhe dy fëmijët e tyre, nëntë dhe 15 vjeç – u dërguan në Klinikën Pyhrn-Eisenwurzen në Kirchdorf me lëndime, raportoi policia.

---