Kosovës po i japin pamje evropiane autoudhat moderne

Të gjithë krerët e institucioneve të Shtetit të Kosovës, kanë marrë pjesë në  ceremoninë e fillimit të punimeve në segmentin e mbetur të rrugës M2, Lumadh-Mitrovicë.

Punimet kanë nisë në fshatin Gojbulë të Vushtrrisë. Në këtë ceremoni në autoudhën “Rruga e Tre Heronjve Zahir Pajaziti, Hakif Zejnullahu dhe Edmond Hoxha”, presidenti Hashim Thaçi, ka deklaruar se me këtë rrugë dhe rrugët tjera që po ndërtohen, Kosova po merr pamje evropiane, përcjell albinfo.ch.

Ndërsa kryeparlamentari Kadri Veseli, tha se kjo rrugë qytetarët e Vushtrrisë dhe Mitrovicës do t’i lidh me Prishtinën, por që shpreson se ajo do të vazhdoj shpejtë edhe deri në Leposaviq dhe të lidhet me korridoret Rajonale e Evropiane.

E kryeministri Ramush Haradinaj, tha se është lajm i mirë që me fillimin e vazhdimit të rrugëve ka filluar edhe riaktivizimi i Trepçës e cila pritet t’i jap shtytje të re zhvillimit ekonomik të Mitrovicës dhe rajonit.

Ministri i Infrastrukturës, Pal Lekaj, vlerësoi se me gjithë vonesën e vazhdimit të këtij projekti, qeveria është e vendosur dhe ka siguruar vazhdimin e gjithë segmentit të mbetur të rrugës deri në Mitrovicë.

Ndërsa ministri i Financave, Bedri Hamza bëri të ditur se janë siguruar të gjitha mjetet financiare që kjo rrugë të vazhdohet deri në Mitrovicë.