KQZ lejon votimin me dokumente të skaduara në përfaqësitë diplomatike

Komisioni Qendror i Zgjedhjeve (KQZ) ka marrë vendim që votuesve të regjistruar për votim në përfaqësitë diplomatike jashtë Kosovës t’u lejohet ushtrimi i së drejtës së votës edhe me dokumente identifikimi të Republikës së Kosovës me afat të skaduar.

Ky vendim është marrë pas rasteve të evidentuara në proceset e mëparshme zgjedhore, ku disa qytetarë janë paraqitur në përfaqësitë diplomatike me dokumente të skaduara, duke u përballur me pengesa gjatë votimit.

Sipas KQZ-së, masa synon të lehtësojë procesin e votimit jashtë vendit dhe të sigurojë që qytetarët e regjistruar në përfaqësitë diplomatike të mund të ushtrojnë të drejtën e tyre të votës pa u penguar nga afati i vlefshmërisë së dokumenteve të identifikimit.