“Krenare që jam në shtëpinë time”

“Po ndihem shumë mirë që jam në shtëpinë time, në vendin tim”, u shpreh Dua

Nga sot (e enjte) ka nisur festivali “Sunny Hill” që do të mbahet përgjatë katër ditëve, deri më 7 gusht (e diel).

Artistja shqiptare me famë botërore, Dua Lipa, nga mbrëmë ka arritur në Prishtinë dhe pritet të performojë sonte, pikërisht në natën e parë të festivalit, përcjell albinfo.ch.

Kur kanë mbetur edhe pak orë para ngjitës në skenë të yllit të muzikës, ajo ka mbajtur një konferencë për media.

26-vjeçarja u shpreh se ndihet krenare dhe shumë e lumtur për faktin që ndodhet sërish në vendin e saj, teksa tha se gjithë vëmendjen e ka tek performnaca e sotme.

“Dua vetëm të falënderoj të gjithë për ndihmën, energjinë dhe dashurinë që na jepni në këto ditë dhe mbështetjen për fondacionin që e kam shumë përzemër, ndjehem krenare që jam këtu, vëmendjen e kam pasur vetëm te performanca, shpresoj që do t’ iu pëlqejë e të kënaqemi, po ndihem shumë mirë që jam në shtëpinë time, në vendin tim”, u shpreh Dua.

Kujtojmë që krahas Duas, yjet të tjera që do të performojnë në “Sunny Hill Festival” janë edhe J Balvin, Skepta, Diplo dhe Mahmood.

---