Krijohet sprej hunde që ul mundësinë e infektimit me Covid-19

Shkencëtarët britanikë bëjnë me dije se kanë krijuar një sprej hunde që ul në mënyrë të ndjeshme mundësinë e infektimit me koronavirus.

Sipas krijuesve të këtij produkti, dy pompa në secilën anë të hundës mund të mbrojnë deri në 8 orë kundër koronavirusit, transmeton A2, përcjell Albinfo.ch.

Ata besojnë se sprej i quajtur Phoxwell mund të luajë një rol kyç në mbrojtjen e personave vulnerabël dhe do të inkurajojë njerëzit të kthehen në vendet e punës.

Sipërmarrësi dhe kirurgu, Rakesh Uppal, kreu i laboratorëve që ka zhvilluar këtë produkt, shprehet se ky është një mjet i ri dhe shumë efektiv në luftën kundër pandemisë.