Kryediplomati italian: Kosova meriton liberalizimin e vizave

Në një deklarim te fundit, ministri i Punëve të Jashtme i Italisë, Luigi Di Maio, ka thënë se Kosova ka përmbushur të gjitha kriteret dhe meriton liberalizimin e vizave.

Vlen të theksohet se kryediplomati italian këtë deklaratë e bëri në një konferencë ndërparlamentare të organizuar nga kryetari i Komitetit italian për Çështjet e Jashtme dhe BE, Piero Fassino. Ndërkohë që ishte i dërguari i Romës në vendin tonë, Nicola Orlando, që e bëri publik lajmin përmes një postimi në Twitter.

“Në konferencën ndërparlamentare të organizuar nga Piero Fassino, Luigi Di Maio bëri thirrje që Evropa ta mbështesë Ballkanin Perëndimor pas negociatave të shumta të lodhshme në perspektivën e integrimit evropian. Ai theksoi se Kosova plotësoi të gjitha kriteret dhe meriton liberalizimin e vizave”, shkruan Luigi Di Maio.