Kurti i ofron opozitës opsione për zgjedhje: Në pranverë ose vjeshtë

Pas një takimi prej më shumë se 2 orësh që pati kryeministri i Kosovës Albin Kurti me kryetarin e partisë opozitare PDK, Memli Krasniqi u theksua se u diskutua për zgjedhjet e reja në vend.

“Zgjedhje të reja në pranverë ose në vjeshtë. Diskutuam edhe për situatën në përgjithësi dhe sa i përket ecjes së Kosovës në integrimet ndërkombëtare dhe sa i përket mundësisë për zgjedhje të reja në të ardhmen e afërt kur dihet që unë tashmë kam hyrë në vitin e fundit të mandatit tim qeverisës….Ata e kanë përcaktuar kandidatin e tyre për kryeministrin në zgjedhjet e ardhshme, zgjedhjet e radhës janë çështje të muajve dhe jam i interesuar ta diskutojë me PDK-në, LDK-në AAK-në se cila është stina më e përshtatshme për zgjedhjet e radhës. E dim që në përgjithësi është pranvera ose vjeshta”, tha Kurti para mediave.