Kurti niset për Paris, paralajmëron takim me Vuçiqin

Kryeministri i Kosovës, Albin Kurti, përmes një video mesazhi ka bërë të ditur se nesër do të niset për në Paris për të marrë pjesë në Forumin e Paqes.

Kurti theksoi se gjatë kësaj vizite, mund të ketë edhe një takim trilateral me presidentin e Serbisë, Aleksandër Vuçiq.

“Jam i gatshëm sepse i përgatitur dhe gjithnjë i interesuar, për dialog për marrëveshje, për normalizim të plotë të marrëdhënieve ndërmjet Republikës së Kosovës dhe Serbisë, me njohjen reciproke në qendër”, tha Kurti, transmeton albinfo.ch.

Sipas Kurtit janë dy propozime në tavolinë, një propozim i tij, me kornizën e përgjithshme të marrëveshjes i prezantuar në takimin e 18 gushtit si dhe propozimi franko-gjerman, ka mbështetjen e SHBA-së dhe BE-së.

“Dialogu parimor me të tjerët, sundimi i ligjit njësoj për të gjithë, dhe, paqja e siguria në tërë territorin, shkojnë bashkë”, është shprehur Kurti.

VIDEO:

https://fb.watch/gHQO9QK7aS/