Kurti takon zyrtarin e lartë amerikan O’Brian në Kotorr

Kryeministri i Kosovës, Albin Kurti, ka publikuar fotografi nga darka e shtruar nga kryeministri malazes, Milojko Spajic, në Kotorr të Malit të Zi, ku po mbahet Samiti i liderëve të Ballkanit Perëndimor dhe BE-së.

“Do të diskutojmë përparimin tonë në Agjendën e Reformës së Planit të Rritjes së BE-së dhe çështjet rajonale, duke përfshirë gjendjen e zbatimit të marrëveshjeve që kemi arritur në Procesin e Berlinit”, ka shkruar Kurti në “X”. Në fotot e publikuara nga Kurti shihet një shtrëngim duarsh me zyrtarin e lartë amerikan James O’Brian, i cili po merr pjesë në këtë samit.