Kush është Bastien Toma, futbollisti shqiptar që krahasohet me Messin

Ai ka shënuar një gol, dhe ka bërë pesë asistime në këtë sezon

Një numër i madh i futbollistëve shqiptarë luajnë në Superligën e Zvicrës. Ata janë vendimtarë me gola dhe asistime, si dhe duke qenë kyç në skuadrat e tyre.

Një futbollist i ri po i mahnit të gjithë. Ai luan si mesfushor. Ky është Bastien Toma. Ai është vetëm 19-vjeçar, por i impresionon në Zvicër, shkruan albinfo.ch.

Ai paraqitet për Sionin dhe po krahasohet edhe me yjet tjerë të futbollit, madje talenti i tij edhe me Lionel Messin.

Toma bëri një asistim të jashtëzakonshëm për Ermir Lenjanin në ndeshjen e fundit, por edhe më parë kishte bërë një asistim të jashtëzakonshëm.

Ai ka shënuar një gol, dhe ka bërë pesë asistime në këtë sezon. Vitin e kaluar kishte 21 ndeshje në Superligë. Edhe pse vetëm 19-vjeçar, luan për Zvicrën U-21, derisa ka luajtur edhe për Zvicrën U-17, 18, 19 dhe tashmë U-21.

Bastien Toma ka lindur në Sion, por familja e tij është me prejardhje nga fshati Kabash i Komunës së Vitisë.

---