Deputetët e rinj të Kuvendit të Kosovës, 81 burra e 39 gra

Tashmë dihet se kush do të jetë deputet i Kuvendit të Kosovës në Legjislaturën e shtatë.

Instituti Demokrati i Kosovës, KDI, ka treguar disa nga karakteristikat kryesore të përbërjes së re të Kuvendit të Kosovës.

Ajo që bie në sy është përfaqësimi jo i madh i grave në krahasim me burrat.

Në legjislaturën e re do të jenë 81 burra, kurse vetëm 39 gra, përcjell albinfo.ch.

Mosha mesatare e deputetëve do të jenë 42 vjeç.

60 deputet janë të njëjtë nga legjislatura e kaluar, 40 janë që kanë garuar për herë të parë. 11 deputetë janë që kanë pasur 2 apo më shumë mandate.

Kurse 9 deputetë janë zgjedhur për herë të parë, por që kanë garuar edhe në zgjedhjet e kaluar.

Komuna që ka më së shumti deputetë është ajo e Prishtinës, me 17 deputetë.

Prizreni do të përfaqësohet me 16, Skenderaji me 10, Mitrovica me 9 dhe Peja po ashtu me 9.