Kuzhinieri Rexhepi i 11-ti më me ndikim në botë

Magazina e njohur "TIME" publikon çdo vit listën e 100 njerëzve me më shumë ndikim në mbarë botën

Revista e njohur TIME  publikon çdo vit listën e 100 njerëzve me më shumë ndikim në mbarë botën. Gazetarët përzgjedhin çdo vit 100 persona, që mendojnë se kanë më shumë ndikim në botë, që kanë frymëzuar njerëzimin, ndonjëherë edhe për keq.

Por ajo që bie në sy është se në vendin e 11-të është shqiptari Rëne Rexhepi, kuzhinieri më i mirë në botë. Rexhepi, me baba shqiptar dhe nënë daneze mori famë për gatimet e tij në restorantin Noma në Danimarkë

Në krye të listës për këtë vit është Jeremy Lin, një basketbollist shumë i njohur, që luan për New York Knicks në NBA. I gjatë 1.91 metër, ai vlerësohet si një njeri që ka frymëzuar shumë të rinj dhe e ka fituar gjithçka ‘sipas mënyrës së vjetër’ me djersë dhe punë, shkruan gazetaonline.

Në vendin e dytë është artisti Christian Marclay. Në vend të tretë është aktorja Viola Davis, që luan së fundmi në filmin “Ekstremisht zhurmshëm dhe pabesueshmërisht afër”.

Natyrisht në listë janë edhe presidenti amerikan Barack Obama, kancelaria gjermane, Angela Merkel, kryeministri izraelit, Benjamin Netanjahu dhe shefja e FMN-së.