Ky është bilanci i viktimave të koronavirusit për sot në Zvicër

Sipas BAG, deri më tani ka 831 të vdekur ndërsa sipas Keystone-SDA numri i viktimave është rritur në 1011 të shtunën

Numri i rasteve të infektimit me Covid 19 në Zvicër është rritur përsëri. Sipas Zyrës Federale të Shëndetit Publik (BAG) deri të shtunën janë 24.900 raste të konfirmuara nga laboratori, ose 592 më shumë sesa një ditë më parë, shkruan srf.ch.

Të kujtojmë: Të  premten, BAG kishte raportuar një rritje prej 734 rastesh në krahasim me një ditë më parë.

Të gjitha kantonet dhe Principata e Lihtenshtajnit janë të prekur nga pandemia, transmetlon albinfo.ch. Incidenca është 290 raste për 100,000 banorë, që domethënë një nga më të lartat në Evropë. Ekstrapolimi bazohet në informacione e siguruara nga laboratorët dhe mjekët.

Numri i vdekjeve të  shkaktuara nga sëmundja e koronavirusit ka tejkaluar që dje (të premten) 1000-shin: ai është rritur në 1011 të shtunën, sipas një analize që agjensia e lajmeve Keystone-SDA u ka bërë të dhënave në dispozicion në faqet e internetit të kantoneve, përcjell albinfo.ch. Kjo agjensi i aktualizon numrat e viktimave dhe të të sëmurëve nga koronavirusi dy herë në ditë: në mesditë dhe në mbrëmje.

Nga ana tjatër, Zyra Federale e Shëndetit Publik (BAG) ka raportuar numrin prej 831 vdekjesh. Ajo u është referuar raporteve që laboratorët dhe mjekët kanë dorëzuar deri të shtunën në mëngjes, si pjesë e detyrimit për raportim.

Ndërsa Worldmeters.info raporton për 1036 të vdekur dhe 12.100 të shëruar në Zvicër deri më sot.

Sipas BAG, deri m ë tani testimit për koronavirus i janë nënshtruar 190.000 njerëz, 15% nga të cilët kanë rezultuar pozitivë

Bisher seien über 190’000 Personen auf das Coronavirus getestet worden und bei 15 Prozent sei der Test positiv ausgefallen, heisst es im neusten Situationsbericht des BAG.

---