Ky ilaç përdoret për herë të parë në Zvicër, me sukses “senzacional”

Tek dy pacientë të trajtuar me sukses, testi për koronavirus ishte negativ pas vetëm tri ditësh. Koronavirusët zakonisht vazhdojnë të qëndrojnë në trup deri në tre muaj pas shërimit

Specialistja e mjekësisë familjare, Andrea Ludwig e ka dhënë ilaçin “Opaganib” kundër Covid-19 për herë të parë në Zvicër, në Lucern. Sipas gazetës “Luzerner Zeitung”, ajo ka trajtuar disa pacientë, duke përdorur këtë ilaç si shtesë të terapisë konvencionale, trasnmeton albinfo.ch.

“Rezultati me opaganib si një terapi plotësuese, është spektakolar” ka thënë Ludwig për gazetën.

Tek dy pacientë të trajtuar me sukses, testi për koronavirus ishte negativ pas vetëm tri ditësh. Koronavirusët zakonisht vazhdojnë të qëndrojnë në trup deri në tre muaj pas shërimit.

Ilaç i pamiratuar në Zvicër

Opaganib është në fakt një ilaç i kancerit që ka efekte antivirale dhe anti-inflamatore. Merret oralisht si pilulë. Ilaçi është krijuar për të parandaluar replikimin e virusit, transmeton albinfo.ch. Ai nuk është i miratuar zyrtarisht në Zvicër.

Megjithatë, barnat e tilla, të pa aprovuara mund të përdoren në raste veçanërisht serioze të sëmundjes në të cilat barnat e aprovuara nuk funksionojnë në mënyrë të kënaqshme.

 

---