LDK akuzon për shkelje kushtetuese në seancën për zgjedhjen e presidentit

Lidhja Demokratike e Kosovës ka reaguar ashpër ndaj seancës së thirrur nga Lëvizja Vetëvendosje për zgjedhjen e presidentit, duke e cilësuar atë si tentativë për cenimin e rendit kushtetues të vendit. Sipas këtij subjekti, nisja e votimit pa përmbushjen e kuorumit përbën shkelje serioze të Kushtetutës dhe keqpërdorim të Kuvendit.

Në reagimin e saj, LDK thekson se rendi kushtetues është i paprekshëm dhe nuk mund të negociohet. Ajo paralajmëron se veprimet e ndërmarra do të kenë pasoja dhe do të pasohet me përgjegjësi politike dhe institucionale.

Sipas komunikatës, zhvillimet e fundit përbëjnë ndërhyrje të drejtpërdrejtë ndaj Kushtetutës dhe përpjekje për të imponuar vendime jashtë procedurave demokratike. LDK shton se institucionet duhet të funksionojnë mbi bazën e ligjit dhe se Republika e Kosovës nuk mund të rrezikohet nga veprime të tilla.