LDK-ja nuk ndërron qëndrimet për dialogun

Kryetari i Grupit Parlamentar të LDK-së, Avdullah Hoti, ka thënë se partia e tij nuk ka ndryshuar qëndrimet e saj sa i përket dialogut mes Kosovës dhe Serbisë

Ai ka thënë edhe se LDK ditëve të fundit po sulmohet nga ana e koalicionit PAN.

Me anë të një postimi në Facebook, Hoti ka thënë edhe se koalicioni qeverisës nuk është unik as në strategjinë qeverisëse, as në raportet me aleatët tanë, e as në dialog me Serbinë.

“Lajmi i keq për këtë pozitë pa legjitimitet është se LDK nuk ka ndryshuar qëndrimet dhe si duket kjo po iu pengon atyre, prandaj kanë intensifikuar përhapjen e të pavërtetave. Ne jemi këtu dhe sa herë e shohim të nevojshme, do ta përsërisim se jemi për dialog, por nuk bëhemi pjesë e kësaj maskarade. Ne nuk dialogojmë për ta ribërë shtetin e Kosovës, por punojmë që ta forcojmë dhe demokratizojmë atë”, ka shkruar Hoti.