​Leverkusen po ‘lufton’ për ta mbajtur Xhakën

Keystone (AP Photo/Martin Meissner)

Granit Xhaka dëshiron t’i bashkohet Milanit dhe po bën përpjekje për ta realizuar këtë transferim, përcjell albinfo.ch.

Mesfushori shqiptar e sheh këtë si një mundësi që nuk mund ta humbasë, sidomos në këtë fazë të karrierës. Ai është gati të lërë pas një sezon të shkëlqyer me Bayer Leverkusen, ku fitoi titullin në Bundesliga dhe tregoi një nivel të lartë performance.

Referuar burimeve të ‘Footaball-Italia’, Xhaka ka arritur një marrëveshje personale me Milanin për një kontratë trevjeçare me pagë rreth 4 milionë euro në sezon plus bonuse. Problemi kryesor mbetet marrëveshja mes klubeve. Milan ka ofruar rreth 10 milionë euro, por Leverkusen është duke rezistuar, pasi nuk dëshiron të humbasë një tjetër lojtar të rëndësishëm pas disa largimeve këtë verë.

Leverkusen nuk është i hapur për shkëmbim lojtarësh dhe kërkon një ofertë më të lartë për të lënë të lirë kapitenin e Zvicrës. Xhaka e ka bërë të qartë dëshirën e tij për t’u transferuar në Serie A dhe po pret që klubet të gjejnë një marrëveshje.

Xhaka luajti 33 herë në Bundesligë për Leverkusenin sezonin e kaluar dhe megjithëse lojtari mbush 33 vjeç në shtator, përvoja e tij e gjerë në ligën e parë gjermane dhe në Premier League do të ishte një nxitje e rëndësishme nëse Milani do të nënshkruante me mesfushorin.