Liberalizimi i vizave për Kosovën, sot në agjendën e Parlamentit Evropian

Frederic Köberl @internetztube

Sot në Bruksel në rend dite do të jetë liberalizimin i vizave për Kosovën, përcjell albinfo.ch.

Në Komitetin e Parlamentit Evropian për Liritë Civile, Drejtësi dhe Çështje të Brendshme pritet të votohet marrëveshja trepalëshe.

Kjo u bë e ditur edhe nga LIBE, në faqen e saj zyrtare.

Për votimin ditë më parë ka njoftuar edhe eurodeputeti holandez, Thijs Reuten.

Reuten ka bërë thirrje që të votohet pro heqjes së vizave për kosovarët.

Parlamenti Evropian disa herë ka votuar rezoluta, duke përkrahur liberalizimin për vendin tonë.

Organi legjislativ i Bashkimit Evropian u kishte bërë presion vendeve të BE-së që sa më parë ta miratojnë vendimin për t’i hequr vizat për qytetarët e Kosovës.

Deri më tani Kosova është i vetmi vend në rajon që nuk mund të udhëtojë pa viza për në vendet e BE-së.