Libra shqip edhe për nxënësit shqiptarë në Greqi

Nxënësit shqiptarë që jetojnë në Kretë të Greqisë do të kenë mundësinë që në duar të kenë librat shqip. Kjo falë qendrës së botimeve për diasporën, e cila ka dërguar tekste falas në shkollën Fari i Dijes” në Hania, Kretë të Greqisë, raporton Albinfo.ch.

“Mbërrijnë tekstet shkollore dhe të mësimit plotësues të dërguara falas nga Qendra e Botimeve për Diasporë në shkollën “Fari i Dijes” në Hania, Kretë të Greqisë.
Këtë vit, ndër të tjera, një ndihmesë e madhe për mësimdhënien do të jenë edhe botimet dygjuhëshe të QBD-së, fjalori Shqip-Greqisht dhe Klasikët Dygjuhësh Shqip-Greqisht.
Shkolla vijon regjistrimet dhe do të funksionojë sipas sistemit të shkollave të vendit”, thuhet në njoftimin nga Qendra e Botimeve për Diasporën, përcjell Albinfo.ch.