Liderët e G7-s dhe Zelensky takohen në përvjetorin e luftës

Frederic Köberl @internetztube

Raportohet se liderët e Grupit të Shtatë shteteve më të industrializuara (G7) dhe presidenti ukrainas, Volodymyr Zelensky, kanë zhvilluar një takim virtual të premten mbrëma, ku është theksuar përkushtimit për të ndalur pushtimin rus të Ukrainës, që ka nisur një vit më parë, përcjell albinfo.ch.

Para takimit, Shtetet e Bashkuara njoftuan për një pako të re të ndihmës ushtarake për Ukrainën në vlerë prej 2 miliardë dollarësh dhe po ashtu vendosën sanksione të reja ndaj Rusisë që synojnë të dëmtojnë makinerinë ushtarake të Kremlinit.

Kryeministri i Japonisë, Fumio Kishida, tha se G7 ka bërë thirrje që shtetet e tjera të mos i dërgojnë ndihmë ushtarake Rusisë, që ka pushtuar disa pjesë në lindje dhe jug të Ukrainës, por ka dështuar që të arrijë qëllimin kryesor të nisjes së luftës, atë të rrëzimit të Qeverisë properëndimore ukrainase dhe të pushtimit të kryeqytetit ukrainas, Kiev.