Liga e Evropës sot do të ketë një fitues shqiptar

Xhaka-Gjimshiti, dy shqiptarët sot do të jenë në garë për trofeun e Europa League

Kapiteni i Shqipërisë, Berat Gjimshiti dhe kapiteni shqiptar i Zvicrës, Granit Xhaka, do të jenë në garë sot për trofeun e Europa League, përcjell albinfo.ch.

Kësisoj, Liga e Evropës do të ketë fitues shqiptar.

Finalja e Europa League do të zhvillohet sot, nga ora 21:00. Njëri mes Granit Xhakës dhe Berat Gjimshitit do të ngrejë trofeun e dytë për nga rëndësia në futbollin për klube në kontinentin e vjetër më 22 maj në Dublin.

Bajer Leverkusen dhe Atalanta shpërblyen parashikimet dhe tani janë vetëm një ndeshje larg triumfit historik.

Kujtojmë se kampionët gjermanë kaluan Romën, pas një sfide plot emocione. Pas fitores 2-0 në “Olimpiko”, skuadra e Alonso rrezikoi shumë në fushën e saj.

 

---