Ligji për armët dhe rreziku nga dalja e zonës Shengen

Qeveria zvicerane ka paralajmëruar se legjislacioni i ri është vendimtar për mbajtjen e një numri të traktateve me BE-në

Zvicra do të votojë të dielën (19 maj) nëse do të sjellë ligjet e armëve të vendit në përputhje me legjislacionin e BE-së, me qeverinë duke paralajmëruar se një “jo” mund të kërcënojë marrëdhëniet me bllokun.

Një kërkesë nga Bashkimi Evropian që Zvicra t’i ashpërson ligjet e saj të armëve ka shkaktuar një debat të rrallë kombëtar mbi pronësinë e armës së zjarrit në kombin, e cila ka një kulturë të thellë me armë, shkruajnë mediat e huaja.

Ndërsa qeveria zvicerane ka paralajmëruar se legjislacioni i ri është vendimtar për mbajtjen e një numri të traktateve me BE-në, përcjell albinfo.ch.

Brukseli ndryshoi ligjet e veta të armëve dy vjet më parë pas një valë sulmesh terroriste vdekjeprurëse në të gjithë Evropën, duke ndaluar disa lloje të caktuara të armëve të zjarrit gjysmë automatik.

Zvicra nuk është anëtare e BE-së, por është e lidhur me bllokun nëpërmjet një sërë marrëveshjesh dypalëshe të ndërlidhura, përcjell tutje albinfo.ch.

Berna ka paralajmëruar se një votim “jo” do të shkaktonte përjashtimin e Zvicrës nga rajoni i udhëtimit pa viza i Shengenit dhe marrëveshjet e Dublinit që rregullonin procesin e kërkimit të azilit për Evropën.

Kjo do të kishte pasoja të mëdha për sigurinë, azilin dhe, madje edhe turizmin dhe do t’i kushtonte vendit “disa miliardë franga zvicerane çdo vit”.

Votuesit duket se i kanë kushtuar vëmendje paralajmërimeve. Sipas anketës më të fundit të “gfs.bern”, 65 përqind e të anketuarve mbështetin ndryshimin e ligjit, krahasuar me 34 përqind që e kundërshtuan atë.

---