Limaj: Do ta ftoj Kurtin për kafe javën e ardhshme

Kryetari i Nismës Socialdemokrate, Fatmir Limaj, ka folur pas dështimit të seancës së 45-të me radhë në tentativë për ta bërë Kuvendin funksional, përcjell albinfo.ch.

Limaj ka thënë se nuk ka marrë ende asnjë ftesë për të diskutuar për ndonjë rrugëdalje. Ai ka paralajmëruar se do të jetë vetë iniciator i një takimi me Kurtin.

“Jam i interesuar të gjejmë zgjidhje. Duhet të gjenden rrugë. Neve askush nuk na ka ftuar për ndonjë ide tjetër, nëse na ftojnë jemi të gatshëm ta trajtojmë nëse ndihmon drejt një zgjidhjeje. Momenti është për krijimin e institucioneve, jo për spektakël.”

“Kemi me vazhduar me pas takime. Kryeministri, nëse nuk gaboj, është në Bosnjë. Kam ndërmend edhe unë ta ftoj për të pirë kafe, kështu të tentohet të gjendet një zgjidhje”, tha Limaj.