Lirohen katër gazetarët zviceranë, të arrestuar në Egjipt

Korrespondenti i gazetës „Liberte" është kërcënuar me vdekje, i akuzuar si „spiun" nga shërbimi i sigurimit

Katër gazetarët zviceranë, të cilët ishin arrestuar dhe marrë në pyetje në Kajro, janë liruar dhe pritet të kthehen sonte në Zvicër.

Është fjala për gazetarë dhe fotoreporterë të gazetës „Liberte” të Friburgut pastaj të revistave „L`Hebdo” dhe „L`Illustre” të Gjenevës. Ata, gjatë qëndrimit nën arrest janë provokuar dhe kërcënuar nga autoritetet e atjeshme, njofton Tagesschau.ch.

Sipas deklaratave të tyre, korrespondenti i gazetës „Liberte” madje është kërcënuar me vdekje, i akuzuar si „spiun” nga shërbimi i sigurimit.

Gazetat zvicerane dhe shoqatat e tyre kanë gjykuar ashpër kërcënimet dhe përpjekjet për frikësim të gazetarëve që po ushtron regjimi i Egjiptit.