Lirohet i dyshuari për kërcënim terrorist në koncertin e Gjenevës

Ai ende mund të përballet me akuza për çrregullime sociale, thanë prokurorët e Gjenevës të hënën.

Është liruar 40-vjeçari që u arrestua nën dyshimin për vepër terroriste pas evakuimit të sallës së koncerteve në Geneva Arena të shtunën në mbrëmje.

Një koncert në Gjenevë i reperit francez Lomepal u anulua në fundjavë për shkak të një kërcënimi terrorist në internet, transmeton Albinfo.ch.

Autoritetet franceze kishin raportuar se njeriu kishte bërë kërcënime terroriste në një rrjet social, tha zëdhënësi i prokurorit të përgjithshëm, Olivier Francey, për agjencinë e lajmeve Keystone-SDA.

I dyshuari më vonë u lirua nga paraburgimi, pasi nuk paraqiste kërcënim terrorist. Por ai ende mund të përballet me akuza për çrregullime sociale, thanë prokurorët e Gjenevës të hënën.

Lomepal do të dilte në skenë në Gjenevë rreth orës 21:30 të së shtunës, por ai nuk u shfaq. U bë një njoftim se koncerti i shitur ishte anuluar dhe salla ishte evakuuar. Rreth 8,500 tifozë ishin të pranishëm.

Këngëtari francez sapo ka nisur një turne dymujor në Belgjikë, Zvicër dhe Francë./Albinfo.ch

---